domingo, dezembro 26, 2010

CADERNOS Q DE VIAN


Q de Vian Cadernos é unha iniciativa de A Porta Verde do Sétimo Andar, que con este primeiro número busca incidir na visibilidade da produción artística galega.

Esta colección nace con afán de continuidade, polo que periodicamente abrirase a porta deste espazo á participación de artistas galegos e galegas, así como a autores e autoras de países lusófonos cos e coas que xa actualmente se manteñen relacións.


De Castro.- Colectánea poética de Alba Méndez e Alberte Momán, que unifica a visión de ambos sobre a obra e a figura de Rosalía de Castro, icona da literatura e a identidade galegas. Lonxe de todo academicismo e de pretensiosas actualizacións que estarían fóra de lugar, trátase dunha apropiación da obra da autora galega, para achegala á de dúas persoas diversas nun exercicio de posta en común, non exento de conflitos.
.

quinta-feira, dezembro 23, 2010

ENCONTRO

.


além do meu horizonte...

Procuro o céu com meus olhos...
No meio das nuvens se abre uma janela
onde tuas mãos seguram teu rosto
e observam o silêncio q paira entre nós.
Em teus olhos vagos, uma ternura triste,
uma distância que se demora.
E em teus lábios um sorriso que não quer se abrir.
Com movimentos graciosos
Vou buscar-te dançando...
Não para vires comigo,
Pra bailares, apenas, na dança do coração.
Se tudo de sonho não passar, teremos ainda
o perfume secreto da eternidade a nos acompanhar!


....................................... Rita Rosa (Brasil) 12/09
.

sábado, dezembro 18, 2010

Meu (a)MAR

. .

Revolto mar que me aguardas ardentemente,
Para meu corpo abraçares como tu sabes,
Meu coração bate com a força das saudades,
Da tua força, em minha alma frémitamente!

Fecho os meus olhos e sinto o mar acabrunhado,
Nas minha mãos eu me apodero do seu poder,
Que força tem, que força dá a este meu ser,
Quase se torna escravo deste meu peito exaltado!

As ondas dançam e brincam em chamas intrépidas,
Do que é preciso lagrimar nas águas gélidas,
O Sol se vai, na rubra tarde, e eu não chego;

Sou suspiro recolhido em conchas de brocados,
Sou amante dos sons desses teus trinados fados,
Versos ritmados, em desejos alados quase a medo!
.
................... Ana Victorino (Portugal)
.

quarta-feira, dezembro 15, 2010

Fragmento do Poema dunha noite de outono

Néboas habitan tristes
no berce do teu silencio
e podo ollar no seu chan as pegadas
que ei seguir en procesión cadenciosa

Outono! – berro erguido
e outra folla bica os teus pés no cemiterio,


xa non quero máis versos…

quero quedar soio
no noso silencio cómplice
ollando esas néboas que habitan tristes
e no chan, as pegadas dos meus pés
no corpo do cemiterio

Miguel Ángel

domingo, dezembro 12, 2010

A PORTA VERDE CON LUCÍA NOVAS

Lucía Novas e Miguel Ángel

Fonso Láuzara nun intre da firma de exemplares de "Neve"

As tamén poetas Alba Méndez e Asun Estévez entre os asistentes


Lucía Novas








O Ateneo Ferrolán abordará a dixitalización da única colección completa que existe do FERROL DIARIO 1969 - 1980 e de EL NORTE 1980 - 1981, para ir complementando o proceso, xa iniciado, da dixitalización dos seus fondos máis importantes.

Ferrol ao longo da súa historia destacou polo seu interese pola prensa e desde o século XIX foi unha das cidades nas que o xornalismo e a prensa máis variada, desenvolvéronse dun xeito máis destacado.

Nós continuamos con esa tradición e a hemeroteca do Ateneo Ferrolán conserva exemplares únicos de prensa local desde o século XIX.

O Ateneo Ferrolán fundado en 1879, é unha institución sen ánimo de lucro, de carácter cultural, que desenvolve a súa actividade dentro do ámbito de Galicia, pero cunha proxección máis ampla, e cunha clara vocación de ser un lugar onde atopen cabida todas as opinións e expresións artísticas, enlazando co espírito dos ateneos decimonónicos, nos que temos a nosa orixe.

Esta biblioteca-hemeroteca está composta na actualidade por ± 10.000 volumes, no seu fondo bibliográfico, fondos de carácter xeral, pero que fan especial incidencia nos temas relacionados coa cidade de Ferrol, e con todo o referido á arte, a historia, a literatura e a cultura de Galicia. Pero a parte máis sobresaínte é a hemeroteca.

A hemeroteca do Ateneo Ferrolán conta na actualidade con ± 450 cabeceiras de prensa. Divididas en revistas e prensa diaria; tanto en coleccións pechadas como abertas; esta prensa é de ámbito internacional, pero desde logo, a súa parte máis importante é a prensa local.

A filmoteca do Ateneo Ferrolán conta na actualidade con ± 1.000 títulos entre longametraxes, curtas e documentais.

O noso importante arquivo fotográfico composto de fotografías de diversa tipoloxía de principios de século (construción naval, social, industrial, carteis ....).

O importante arquivo de partituras inéditas e orixinais para gaita galega así como as súas gravacións presentadas ao longo dos 19 anos do noso Concurso Internacional de Gaita Galega "Constantino Bellón".

Os fondos increméntanse, como non podía ser doutra maneira, mes a mes, o que supón un esforzo económico e persoal para a conservación e difusión de dito patrimonio.

O Ateneo Ferrolán ven realizando ininterrompidamente dende o ano 1976, dun xeito gratuíto e público o seu servizo aberto á cidadanía con tres traballadores fixos, e dende o ano 1983 mantén aberta a súa Biblioteca-Hemeroteca, sendo a ÚNICA HEMEROTECA de Ferrol e Comarca, coa atención especializada dun Licenciado

quinta-feira, dezembro 02, 2010

MAPA DA CIDADE PROHIBIDA

......................................................... Para Maitena Monroy
.
Cada vez que penetramos nun punto negro do mapa
-aspas de sangue agoirando loitos-

imaxino un Los Ángeles sucio
un pobo profundo
un monte cheo de flores bonitas por todas partes
unha ruela allea.

Pero é á miña vida onde pode chegar a realidade
substituír ó medo
-este peso impreciso sen libro de instruccións-,
na capital Carapuchiña verterá a súa orquídea profana
ungüento orgánico extremadamente repulsivo
estendéndoo pola cara ata que o agresor fuxa
..................................................................... de noxo
é neste bosque de cemento onde saca a pistola luar das bragas
vestindo despois un fermoso abrigo de pel de lobo
como soña Roald Dahl e sabe a historiA que tamén sucede
malia un tácito silencio de morte.

.
................................................................ - Ana Cibeira -
.

CINTO NEGRO

.
Eclipse
sobre un campo de mapoulas
negras como o cinto
que agochamos baixo a cama.
Temos moitas caras
está a bonita e sucia, a intrépida e luminosa.
Non sabemos endurecer a expresión,
a sesión comeza e esta cuncha non se desfai
da súa sentimental educación.
Cómo ser unha profesional
recrutada para manchar.
Cómo ir sempre vestida de loito
e non deixar de quentar.
No amor e na liberación sexamos unha.
*
.
*Verso dunha canción homónima de Ruído de rabia.
.
........................ - Ana Cibeira -
.

segunda-feira, novembro 29, 2010

PRESENTACIÓN NO GAIOSO - MONTEALTO - A CORUÑA

Bos amigos da porta verde

O gran Ramiro

Alfonso Láuzara e Iolanda Aldrei



Iolanda Aldrei e Miguel Ángel


Tante e Alberte Momán

Fermosa foto con Encarna, que recitou xunto a Miguel Ángel un dos poemas do libro


Félix e Miguel Ángel

Os poetas quentando motores antes do acto


Entrañábel acto na Coruña, onde recitáronse diversos textos, moitos deles pertencentes o libro "Sétimo andar, poesía alén"

domingo, novembro 28, 2010

A MIÑOCA - Manolo Pipas

.
memoria da miñoca

con papel e boligrafo
escribo no parque da miñoca
e aquí ao lado as veces
tamen publico neste soporte
desde a cafeteria do ventanal
sobre o propio parque

escribo no mesmo espacio fisico
onde hai quince anos ainda
plantabamos millo xudias cabazos
onde de cativos colliamos tritons
e apañabamos grandotas moras
e daqueles campos so fica unha arbore
o gran platano e a base do tronco
dun amieiro que secou e cortaron

os lugares do camiño da mina
o xuncal o camiño dos pozos
e tantos campos que tiñan
miles de chiquitas miñocas
.
no tempo dos magostos
.
a miñoca
.

a miñoca
é un animal pequeniño
animal pequeniño
pequeniño
iño

a miñoca
deste estraño parque
é un posible animal mui grande
ésta da foto é unha posible miñoca esculpida
que esconde parte da sua inmensa xigantesca medida

novembro de 2010

quinta-feira, novembro 25, 2010

de RAMIRO VIDAL ALVARINHO...

.
Desde a minha mediocridade, mas também
Desde o meu ardor militante
Tam sincero como real é a dor das feridas de guerra
Que a experiência me outorga
Declaro-me habitante desta aldeia resistente
Deste núcleo irreductível
Confesso o inorme prazer que me ocassiona
A estranha insolência de escrever em galego
Nom o fago para salvar umha língua,
Fago-o para que os tanques e os bulldozzers
Nom derrubem aquela casa em Palestina
Nom o fago para salvar umha cultura,
Fago-o para que o desgelo da Antártida se detenha
Nom o fago para resgatar a memória dos meus antergos,
Fago-o para acabar com a desflorestaçom da Amazonia
Nom o fago para libertar Galiza,
Fago-o por Cuba livre e socialista, para que os ianques
saiam de Guantánamo, para deter as matanças de
baleas e de focas, pola independência do Saara, para
que os militares nom matem a democracia em
Latinoamérica, para derrubar os muros da vergonha e
os arames farpados da infámia...
...nom paga a pena continuar. O único que poido dizer,
eu, poeta popular sem prémios, que nom está presente
em colecçom nengumha, que nom freqüenta tertúlias,
que nom é entrevistado na imprensa, eu, irrelevante,
minoritário, desconhezido, discreto
é que escrevo em galego porque sou internacionalista, e
porque se eu obedecer os ditados daqueles que
proclamam a inutilidade da minha resistência
contribuirei para que outras resistências perdam
sentido.

.
....... do noso libro "Sétimo andar, poesía alén"
.

quinta-feira, novembro 18, 2010

ACTIVIDADES NO ATENEO FERROLÁN




O Ateneo Ferrolán dentro das súas actividades de promoción da música galega ven propiciando e celebrando, case continuo, tódolos anos (dende hai 22 anos) unhas Xornadas de Gaita, como un lugar de encontro para grupos ou xentes que utilizan a gaita como un dos instrumentos básicos nas súas actuacións e composicións.

Este ano, organizadas polo Ateneo Ferrolán, as XXII Xornadas da Gaita, celebraranse o sábado día 11 de decembro de 2010 ás 20:00h. no Centro Cultural “Torrente Ballester”. (Haberá servizo de “barra”). Entrada de balde.

Con as actuaciós de:

· AIRINHOS DEL CAMPITO
· BERROS DO CASTRO (Unha imaxe, unha melodía .... un recordo)
· SOBRE RODAS (Dúo zanfonas. Luis Caruncho e Carlos Do Viso)

Desde o Ateneo Ferrolán, agradecemos a colaboración da Deputación Provincial da Coruña e do Concello de Ferrol - Cultura.

Unha das características específicas é a participación de grupos de música folk galega, que teñan na súa estrutura de acompañamento a gaita como un elemento indispensable.

domingo, novembro 14, 2010

PRESENTACIÓN DO LIBRO EN COMPOSTELA

Miguel Ángel, Ana Cibeira, Rosa Enríquez, Alba Méndez, Alberte Momán.
Ramiro Vidal, Alfonso Láuzara e Manolo Pipas.

Miguel Ángel Alonso Diz e Xosé Uxío Diz Tilve

A porta verde enchendo de sorrisos a fermosa mañá compostelana


Falando co público asistente ao acto


O poeta Lino García Salgado co seu pequecho










O GRAN Ramiro Vidal


Manolo Pipas en estado puro



Alberte Momán



Alba Méndez a nosa poeta de Moaña




Alfonso Láuzara

Rosa Enríquez recitando co corazón



Ana Cibeira

O pasado día 13 de novembro tivo lugar a presentación do libro "Sétimo andar, poesía alén", na libraría Couceiro, en Compostela. Grazas a tod@s por asistires!

sexta-feira, novembro 12, 2010

a porta e o andar

.
a porta verde setimo andar

presenta o seu segundo libro
os versos destas nove voces
resistentes creadores en galego
traballadoras da palabra e do ritmo
amigos e compañeiras de filo-cafés

verde a porta a terra e a lingua
enerxica e comunitaria proposta
reveldes olladas e sentires
do setimo andar da poesia
entregada nos vosos espacios

setimo andar poesia alén
en vigo presentado na cova dos ratos
tempo despois en espinho e o porto
i de regreso os poemas na ria
moaña foi a nosa nova palestra
organizada na quintela entre libros

a porta verde o setimo andar
navega coa sua poesia alén
debullando historias por bueu
ai compostela que agora agarda
ritmo e palabra en nove voces

.
...................................... Manolo Pipas
.
setimo andar poesia alen
libro do espacio a porta verde
será presentado na libraria couceiro
este sabado 13 as doce e media
da mañan compostelana
.

quarta-feira, novembro 10, 2010

de MARÍA N. SOUTELO...

.
2. as mulleres
.
na cidade
as mulleres de pernas
brancas
comían cereixas


e contaban os matices de todo o verde.


recitaban poemas
absurdos
que falaban sobre a lúa.


medían
a distancia entre amar
e as súas dedas.
pasaban as horas
facendo encaixes de bolillos
e madeixas de brión
con que adornaban o seu cabelo alourado


e debullaban ervellas
no colo da súa saia mentres
os nenos durmían.

.
... do noso libro "Sétimo andar, poesía alén"
.

PRESENTACIÓN en Compostela!!

..
.
A Porta Verde do Sétimo Andar

p r e s e n t a

"Sétimo andar, poesía alén"
o seu 2º libro colectivo de poesía

en Compostela!!
Libraría Couceiro (praza de Cervantes)
Sábado, 13 de novembro. 12:30 h.

Agardámosvos alí!

.

domingo, novembro 07, 2010

PRESENTACIÓN en BUEU de "Sétimo andar, poesía alén"

.

De esquerda a dereita: Miguel A. Alonso Diz, Alba Méndez,
Alfonso Láuzara, Manolo Pipas e Alberte Momán
(Foto: Tanis Gamuzo, de Xeado de Toxo)

Miguel Alonso con Elvira Millán Liméns (convidada especial)
(Foto: Mari Porto)
.

(Foto: Mari Porto)
.
.

sexta-feira, novembro 05, 2010

de ALFONSO LÁUZARA...



.
SENTENCIA


Encolliches,
es un monstriño tenro
que dá voltas nesta hora
no remuíño maino do meu café,
nese raro xirar de zurdo redireccionado.
Afogarás
terás unha morte doce,
no fundo agarda ese lodo,
un pouso derretido de azucre moreno.

.

do noso libro "Sétimo andar, poesía alén"

.