"DEZ ANOS NA PORTA" en Marín!

Presentación de "Dez anos na porta" no Museo Manuel Torres (Marín) o sábado 5 de marzo ás 19:00h. Antoloxía poética para celebrar o X Aniversario do noso espazo colectivo A Porta Verde do Sétimo Andar. Coa participación de varios dos autores e das autoras do libro nun recital poético.

Un acto organizado por Queremos Galego Marín. Animádevos a vir!

"DEZ ANOS NA PORTA" de novo en Vigo!

Presentación do libro "Dez anos na porta"

o vindeiro venres 4 de marzo ás 20:00h.

na Libraría Cartabón (rúa Urzaiz, 125) en Vigo!

Presentación da Antoloxía de A Porta Verde do Sétimo Andar que contará coa presenza de Ramón Nicolás - autor do limiar e responsable desta antoloxía - xunto a Alfonso Láuzara e Miguel Alonso Diz. Haberá recitado de poemas da antoloxía a cargo de algúns dos e das poetas que participan na mesma. Como é costume, o espazo estará aberto á participación.

.

"TRÊS TEMPOS" de Luís Mazás, xa na rúa!

.

Nº22 dos Cadernos QdeVián

Un interesante libro de poesía de Luís Mazás

.

DEZ ANOS NA PORTA em A Corunha!

"DEZ ANOS NA PORTA" en Lugo! (29-01-2016)

Un par de imaxes da presentación-recital que tivo lugar o pasado venres 29 de xaneiro na Libraría Biblos (Lugo). Todo un pracer!

Na mesa, de esquerda a dereita: Evinha co seu acordeón,

Ramiro Vidal, Alfonso Láuzara e María José Fernández

Imaxe colectiva ao remate do acto, de esquerda a dereita:

Biblos, Evinha de la Torre cun exemplar do libro, Ramiro Vidal,

María José Fernández, Alfonso Láuzara, Iolanda Aldrei e Toño Núñez

Presentación de "DEZ ANOS NA PORTA" en Lugo!

Presentación de "DEZ ANOS NA PORTA"

Venres, 29 de Xaneiro ás 20:15 h.

na Libraría BIBLOS (Salvador de Madariaga, 1 Local 4, -  Lugo)

Dez anos de poesía e amizade feitos libro. Chega a Lugo a antoloxía "Dez anos na Porta" e, para celebralo, palabra e música. A palabra a cargo de vari@s d@s autor@s participantes na Antoloxía e a boa música no acordeón de Evinha. Non o perdades!

Presentación de DEZ ANOS NA PORTA en Compostela

Imaxe colectiva da presentación de  "DEZ ANOS NA PORTA" 
na Libraría Pedreira, en Compostela (15-01-2016)

Presentación de DEZ ANOS NA PORTA en Bueu!

DEZ ANOS NA PORTA

Se vinte anos non son nada...
que serán dez anos en verso?
Onde a poesía nos leve!

Presentación

Xoves, 19 de novembro ás 20:30 h. 

na Libraría ANDEL 
(Camelias, 102 - Vigo)

Non faltedes!

Novo libro colectivo de A Porta Verde!

Xa temos con nós "DEZ ANOS NA PORTA"
Antoloxía poética que recolle os dez anos de vida do noso espazo colectivo (2005-15)

O Limiar e a escolla dos textos a cargo do sempre bo e xeneroso Ramón Nicolás, todo un luxo!

Proximamente... as datas de presentación!

"OS CAMIÑOS DA BRÉTEMA" (14-03-2015)

Imaxe colectiva ao remate do entrañábel recital foto-poético "Os camiños da brétema" no Museo Provincial en Lugo o pasado 14 de marzo, co gran fotógrafo Vicente Ansola. 
Foi sensacional!

.

Intervención foto-poética "Os camiños da brétema"

Sábado, 14 de marzo ás 18:00 h.

Museo Provincial de Lugo (Praza da Soidade)

Dezaoito voces a transformar en palabra a ollada máxica e precisa de Vicente Ansola, a entoar o canto de cisne dun mundo que se nos escapa das mans. Esvaécese o rural e con el boa parte da nosa identidade colectiva. Quedamos orfos das raíces necesarias. Por eso estes camiños que trazamos entre a néboa son, sobre todo, camiños de volta á casa. Nela aínda hai luz, aínda viven alí as gardiás da nosa memoria. Nela sempre hai un lugar para nós.

E para trazar os camiños, os textos de dazaoito poetas que nalgún momento cruzaron A Porta Verde do Sétimo Andar:

Rosa Enríquez, Alfonso Láuzara Martínez, Patricia Sánchez Abeal, Miguel Anxo Mato Fondo, Xose Iglesias, Marta Pedrosa, Rochi Nóvoa Vázquez, Jose Estévez, Ramiro Vidal Alvarinho, Miguel Ángel Alonso Diz, Miguel Alonso, Iolanda Aldrei, Maria N. Soutelo, Pilar Mera, Paco Souto, Xosè Abeledo, Manolo Pipas e María José Fernández López. 

Coa música de Miguel Alonso e Green Label.

PRESENTACIÓNS DE "NESTES DÍAS"

 

Os Q de VIAN en movemento!!

 

 

 

Presentacións de "Nestes Días" de María N. Soutelo

 Novembro é un mes fantástico para a Poesía.

 Por iso, queremos vervos a tod@s, con papel e lápis e che@s de inspiración

*o día 22 en A Coruña, no estudio de fotografía de Andi, ás 11h

 

https://www.facebook.com/Andiphoto.es/info

 ou
 

*o día 29 en Compostela, na Lila de Lilith, ás 11:30h

https://www.facebook.com/LiladeLilith

Tamén, estaremos recitando textos de Nestes Días
- o vindeiro sábado día 8 en Agolada, no Magosto en Poesía nos Pendellos de Agolada, ás 18h

https://www.facebook.com/events/1382912391999760/

e
* o día 16 en Allariz, no I Festival do Poemagosto, con actividades e intervencións diversas a partir das 11h

Entón..., cando nos vemos?

 

"Nestes días" (caderno nº19 dos Q de Vián)

é o novo libro de poesía de María N. Soutelo (outono de 2014)

PRESENTACIÓN DE “MELÍFLUA MORADÍA”

Os Q de VIAN en movemento!!

 

 

 

 

SÁBADO, 15 DE NOVEMBRO
18:30 h. CASA DE XANTAR O DEZASEIS
(Rúa San Pedro,16 - Compostela)

PRESENTACIÓN DE “MELÍFLUA MORADÍA”,
libro de poesía de LINO GARCÍA SALGADO.
Acompañará ao autor: Arza Pardo Barbeito

 

"Melíflua Moradía" (caderno nº10 dos Q de Vián)

 é un interesante libro de poesía de Lino García Salgado (2012)

DESPOIS DUN TEMPO DE DESCANSO

Moit@s seguides A Porta Verde a través da nosa páxina no Facebook

https://www.facebook.com/pages/A-Porta-Verde-do-S%C3%A9timo-Andar/279699185395313

Levamos un ano de relativo descanso. Traballando nos novos Q de Vian, actos fóra de Galicia e un libro moi especial que vai recoller estes case 10 anos de andaina poética a prol da nosa cultura.

 

Cociñando en silencio co maior dos agarimos cada palabra.

 

En breve teredes máis novas, e xa sabedes.... pasade sen chamar.

 

 

 

Emotiva presentación de "Noite~Día" de Alfonso Láuzara en Moaña!

Onte o compañeiro Alfonso Láuzara presentou o seu poemario erótico "Noite~Día" nun acto moi emotivo que tivo lugar, con recital incluído, no espazo da libraría O Pontillón, en Moaña! O acto foi introducido polo compañeiro Miguel Ángel Alonso Diz, quen tamén recitou algún poema do libro. Ademais contou coa especial colaboración do poeta moañés, Xosé Daniel Costas Currás, que tamén participou recitando tres poemas do libro. Entre o público entregado destacou a presencia de varios artistas do Morrazo, como o dúo musical 2naFronteira, o cantante Santiago Ferragud de Xardín Desordenado, ou os pintores Enrique Prado e Manuel Cerviño de Bueu, entre outr@s. Foi outra presentación moi especial de "Noite~Día", que desta volta cadrou venres trece e tamén coincidíu en lúa chea! Grazas a tod@s! 

 

 

te-roxo e erva-luisa

a alfonso láuzara

noite-día do faro de teis
libro verde salgado e dóce
da costa ás ondas á travesía
das rías baixas ás rías altas

vai o teu latexo pola serea
sol cometa eclipse firmamento
firme a túa húmida palabra

faltame o poema lúa no teu libro
pero esa túa noite-día é todo lúa
o namoro do te-roxo e a erva-luisa


noite-día foi presentado
hai unhas horas na librería andel
con farrapos de boneca de rochilúcidas e escuras descargas poeticas
para as que desta volta non hai cronika a alfonso debíalle un poema
que non saiu na noite-día da cova
á boneca xa llo fixen hai uns días
imaxe ao sur de teis hai uns solpores

manolo pipas

Presentación de "Noite~Día" de Alfonso Láuzara, en Moaña!

"Farrapos de boneca" de Rochi Nóvoa & "Noite~Día" de Alfonso Láuzara. Presentación-recital na Libraría Andel, en Vigo!

 

Dobre presentación-recital de "Farrapos de boneca" e "Noite~Día" en Vigo!