A presentación de Noite~Día en Marín!

O compañeiro Alfonso Láuzara Martínez presentou o seu poemario "Noite~Día" o pasado venres 18 de outubro en Marín, no Museo Manuel Torres. O acto, organizado pola asociación Queremos Galego Marín, foi introducido por Nanda González Briones en representación da asociación, seguido dunha emotiva intervención de Miguel Ángel Alonso Diz por A Porta Verde, e finalmente as palabras do autor de Noite~Día que tamén ofreceu o recitado de boa parte dos poemas do libro. Sensacional acollida do público asistente! Grazas e parabéns! 

Cartaz do evento na entrada do Museo Manuel Torres

Alfonso Láuzara, con Sandra e Nanda, e coa Concelleira de Cultura do Concello de Marín (esquerda)

A mesa con todos os cadernos Q de Vián

Exemplares de "Noite~Día" sobre a mesa

Alfonso Láuzara

Nanda González Briones (entre Alfonso e Miguel) presentou o acto coas fermosas palabras de Teixeira de Pascoães: "A essência das coisas, essa verdade oculta na mentira, é de natureza poética e não científica. Aparece ao luar da inspiração e não à claridade fria da razão. Esta apenas descobre um simples jogo de forças repetido ou modificado lentamente, gestos insubstanciais, formas ocas, a casca de um fruto proibido. Mas o miolo é do poeta. Só ele saboreia a vida até ao mais íntimo do seu gosto amargoso, e se... embrenha nela até ao mais profundo das suas sensações e sentimentos. É o ser interior a tudo. Para ele, a realidade não é um conceito abstracto, ideia pura, imagem linear; é uma concepção essencial, imagem hipostasiada, possuída em alma e corpo, nupcialmente, dramaticamente, à São Paulo ou Shakespeare."

Alfonso Láuzara e Miguel A. Alonso Diz, quen fala

O forxador recitando "Eclipse"

Alfonso Láuzara Martínez

Público asistente

Público asistente

Alfonso Láuzara

Alfonso Láuzara recitando

O autor asinando exemplares do libro

Miguel A. Alonso Diz con Alfonso Láuzara

O terceiro tempo. Sensacional!

Faro de Vigo. Edición do Morrazo.

O día despois do "Noite~Día"

Presentación de Noite~Día en Marín!

"Un Feixe de Poesía na Porta", novo libro colectivo de A Porta Verde!

"Un Feixe de Poesía na Porta"
(caderno nº 17 dos Q de Vián)
Asoma pola porta verde en Lugo un feixe de poesía cunha ducia de voces moi interesantes que teñen luz de seu: Natalia Alonso, Inma Alonso, Lupe Bao, Cristina Corral, María Seoane, José Estévez, María José Fernández, Naír G. Abelleira, Ramón González, Xosé Iglesias, Toño Núñez e Lois Pérez. Un fermoso libro de poesía colectiva con soleira de Miguel A. Alonso Diz e promovido por iniciativa do compañeiro José Estévez na comarca de Lugo.

Este interesante libro colectivo de A Porta Verde en Lugo vai ser presentado nun recital poético-musical aberto o vindeiro 26 de outubro (19 h.) no Salón de Actos da Deputación Provincial de Lugo. Achégate por alí!

Poesía de Francisco Valeiras - "Quico" -

Temos o pracer de compartir hoxe no espazo sen límites de A Porta Verde unha pequena mostra da interesante poesía deste galego do Carballiño, Francisco Valeiras, "Quico", que nos envía os seus textos dende Alicante! Un pracer!

- nas trinta mil luces da cidade -
 
Encontro con Muriel

gusto de pasear entr´a xente
no antes de que falen
a piques do cheiro a vida
no ser cor da roupa e camiñantes que van
 
qu´agradecido de que non falen,
agora non!
palabras golpes
un intre
(o comezo)
alongado
 
entr´as follas que tamén se moven
hainos que pasan tan altos
qu´o seu xersei t´esmagaría
en dar no seu tacto, no das follas
nesas que semellan non entender a cidade
eí
sen decidirse
agardando por un van gogh qu´as devolva
ós campos
ou qué sei
eu
 
pero xa non ficaba nelas
agora marcho coas pernas qu´as pisan
unhas, indiferentes
centro orbital dos meus oillos agora
que se cocen no escuro das súas medias,
Muriel?
a lasciva


(Francisco Valeiras)

Presentación de NOITE~DÍA en Vigo!

O compañeiro Alfonso Láuzara Martínez presentou o seu libro de poesía erótica "Noite~Día" o pasado sábado 21 de setembro na Cova dos Ratos, que se encheu de amizade e poesía. Foi emocionante ver coincidir alí no espazo entrañábel da Cova a persoas que foron a primeira cerna de A Porta Verde con algunhas das mellores 'fichaxes' recentes, pasado e presente cando aínda hai futuro! O acto foi introducido polo compañeiro Miguel Ángel Alonso Diz, que destacou o marcado perfil colectivo do autor no espazo de A Porta Verde do Sétimo Andar, cun discurso breve e moi emotivo con brincadeira incluída. A continuación tomou a palabra Alfonso Láuzara para falar un pouco sobre o seu Noite~Día, con especial referencia á portada e ilustracións da artista portuguesa Elisabete Pires Monteiro 'Bebeth', e tamén ao limiar da escritora galega Rosa Enríquez; despois ofreceu un intenso recital de boa parte dos poemas do libro que durou ben unha hora, acompañado das ilustracións que se podían visualizar simultáneamente nunha gran pantalla, todo nun fermoso e sinxelo escenario creado para o xogo en contraste da sombra e da luz. Na fermosa decoración do local foi importante tamén a colaboración de Manuel Cerviño, pintor galego de Bueu que prestou xenerosamente varios dos seus cadros para expor no evento. E aínda antes de rematar a agradábel sorpresa do caro compañeiro Manolo Pipas e do sempre ocorrente Fernando Miranda de Bueu, con senllas intervencións espontáneas. Foi un acto sensacional! Grazas a todas e todos pola vosa asistencia e apoio, e grazas tamén ás rapazas da Cova dos Ratos polo seu xeneroso e magnífico traballo. E parabéns por ese Noite~Día! 

Portada do libro con pintura de Bebeth

Imaxe do escenario para a presentación

Aspecto da Cova minutos antes de empezar. Ambientazo!

Aspecto da Cova minutos antes de empezar. Ambientazo!

Miguel Ángel Alonso Diz, introduce o acto

Simpática brincadeira do Forxador!



Unhas palabras do autor sobre "Noite~Día"

Na pantalla: imaxes das ilustracións do libro

Xogo en contraste de sombra e luz

Introducindo cada poema ao recitar

Comunicando co público

En pleno recitado de poemas

O autor dirixíndose ao público

A sombra do autor... A luz da Artista na tela...

Recitando poemas do libro...

Ante un público entregado!

Recitando os últimos poemas da noite!

Intervención do compañeiro Manolo Pipas

Entusiasmo no público. Abilio, Luís e Fernando.

Intervención de Fernando Miranda, sempre ocorrente!

Dedicando un "Noite~Día" ao amigo Virgilio Liquito

Dedicando e asinando exemplares...

Fermosa imaxe ao remate do acto en amizade con: Harney Díaz, Alfonso Láuzara, Ruth Villar, Orisel Gaspar e Miguel A. Alonso.

Todos os cadernos Q de Vián.  

A familia do Noite~Día!

 

Presentación de NOITE~DÍA en A Cova dos Ratos! (resumo-reportaxe)

Presentación de NOITE~DÍA en Vigo!

En A Cova dos Ratos
(Romil, 3 - Vigo - perto do Concello)

Sábado, 21 de Setembro ás 20:30 h.

 

Achégate!

"NOITE~DÍA" (caderno nº16 dos Q de Vián)
Un libro de poesía erótica de Alfonso Láuzara Martínez.
Con ilustracións de Elisabete Pires Monteiro 'Bebeth',

e limiar de Rosa Enríquez.  (62 páxinas)

ISBN: 978-84-15164-86-9

O noso compañeiro Miguel Ángel Alonso Diz no Arte Lixo en Redondela!

O espazo de A Porta Verde no Festival da Poesía do Condado.

Desobediencia con poesía, música, amizade e moi bo ambiente cunha gran afluencia de xente no Festival da Poesía en Salvaterra de Miño, o sábado 31 de agosto. Alí estivo A Porta Verde do Sétimo Andar un ano máis co seu espazo aberto para compartillar con amigas e amigos e tantas persoas que se achegaron polo noso posto. Desta volta compartillamos espazo cos amigos do ZOCO, Figurante e 2naFronteira! Moitas grazas a todas e todos! Obrigad@s tamén á Organización do Festival pola boa atención que tiveron co noso colectivo e polo magnífico traballo en xeral!

Aproveitamos tamén o marco incomparábel do Festival para promover, moi ben conducidos polo gran Paco Souto, o libro "Versus cianuro" cun dinámico recital contra a mina de ouro de Corcoesto! 

Ramiro Vidal Alvarinho

Alberte Momán

Miguel Ángel Alonso Diz

Rochi Nóvoa

Alfonso Láuzara

Verónica Martínez en boa compaña!

Viva o Festival da Poesía do Condado! Desobediencia!

 

Festivaliño en apoio ao FESTIVAL da Poesía do Condado!

NOITE~DÍA xa saíu do prelo!

 

"NOITE~DÍA" (caderno nº16 dos Q de Vián)
Un libro de poesía erótica de Alfonso Láuzara Martínez.
Con ilustracións de Elisabete Pires Monteiro 'Bebeth',

e limiar de Rosa Enríquez.  (61 páxinas)

ISBN: 978-84-15164-86-9

 

***   ***   *** 

Boa noite, día!

Vexo que che gusta todo!

Muller, todo todo… case todo!

Chega na vaga da noite unha botella

e fico aquí

entre ondas entre liñas

co verso nos teus beizos

palabra salgada no ceo do teu padal

no limiar da túa lingua.

Destampo a linguaxe do océano,

sae o sol dun grolo na madrugada

e prendes un soño roxo no abrente.

Bo día, noite!

 

 

 

En A Porta Verde, próximamente...

O deseño das tapas e ilustracións do libro son da artista portuguesa, Elisabete Pires Monteiro "Bebeth"  >> http://elisabetepiresmonteiro.blogspot.com.es/

A Porta Verde apoia o Festival da Poesia do Condado!

VÍDEO. Clica aquí!

Desobediência!!!
Por favor, colaborade e apoiade aquí:
http://www.verkami.com/projects/6146-xxvii-festival-da-poesia-no-condado-desobediencia/