PRESENTACIÓN DO LIBRO EN COMPOSTELA

Miguel Ángel, Ana Cibeira, Rosa Enríquez, Alba Méndez, Alberte Momán.

Ramiro Vidal, Alfonso Láuzara e Manolo Pipas.

Miguel Ángel Alonso Diz e Xosé Uxío Diz Tilve

A porta verde enchendo de sorrisos a fermosa mañá compostelana


Falando co público asistente ao acto

O poeta Lino García Salgado co seu pequecho

O GRAN Ramiro Vidal

Manolo Pipas en estado puro

Alberte Momán

Alba Méndez a nosa poeta de Moaña

Alfonso Láuzara

Rosa Enríquez recitando co corazón

Ana Cibeira

O pasado día 13 de novembro tivo lugar a presentación do libro "Sétimo andar, poesía alén", na libraría Couceiro, en Compostela. Grazas a tod@s por asistires!

a porta e o andar

.
a porta verde setimo andar

presenta o seu segundo libro
os versos destas nove voces
resistentes creadores en galego
traballadoras da palabra e do ritmo
amigos e compañeiras de filo-cafés

verde a porta a terra e a lingua
enerxica e comunitaria proposta
reveldes olladas e sentires
do setimo andar da poesia
entregada nos vosos espacios

setimo andar poesia alén
en vigo presentado na cova dos ratos
tempo despois en espinho e o porto
i de regreso os poemas na ria
moaña foi a nosa nova palestra
organizada na quintela entre libros

a porta verde o setimo andar
navega coa sua poesia alén
debullando historias por bueu
ai compostela que agora agarda
ritmo e palabra en nove voces
.
...................................... Manolo Pipas
.
setimo andar poesia alen
libro do espacio a porta verde
será presentado na libraria couceiro
este sabado 13 as doce e media
da mañan compostelana
.

de MARÍA N. SOUTELO...

.
2. as mulleres
.
na cidade
as mulleres de pernas
brancas
comían cereixas

e contaban os matices de todo o verde.

recitaban poemas
absurdos
que falaban sobre a lúa.

medían
a distancia entre amar
e as súas dedas.
pasaban as horas
facendo encaixes de bolillos
e madeixas de brión
con que adornaban o seu cabelo alourado

e debullaban ervellas
no colo da súa saia mentres
os nenos durmían.
.
... do noso libro "Sétimo andar, poesía alén"
.

PRESENTACIÓN en Compostela!!

..

.

A Porta Verde do Sétimo Andar

p r e s e n t a

"Sétimo andar, poesía alén"

o seu 2º libro colectivo de poesía

en Compostela!!

Libraría Couceiro (praza de Cervantes)

Sábado, 13 de novembro. 12:30 h.

Agardámosvos alí!

.

PRESENTACIÓN en BUEU de "Sétimo andar, poesía alén"

.

De esquerda a dereita: Miguel A. Alonso Diz, Alba Méndez,

Alfonso Láuzara, Manolo Pipas e Alberte Momán

(Foto: Tanis Gamuzo, de Xeado de Toxo)

Miguel Alonso con Elvira Millán Liméns (convidada especial)

(Foto: Mari Porto)

.

(Foto: Mari Porto)

.

xeado de toxo

o teu guieiro do morrazo

.

de ALFONSO LÁUZARA...

.
SENTENCIA

Encolliches,
es un monstriño tenro
que dá voltas nesta hora
no remuíño maino do meu café,
nese raro xirar de zurdo redireccionado.
Afogarás
terás unha morte doce,
no fundo agarda ese lodo,
un pouso derretido de azucre moreno.

.

do noso libro "Sétimo andar, poesía alén"

.

de ALBERTE MOMÁN...

.
SERMOS UN
.
........... I
queremos paz
se cinguimos os pasos
como obriga
a toda realidade práctica
queremos paz
se renunciamos a nós
ao ti e máis eu
que por vontade propia
decidimos perdernos polas congostras de Hío
e volver
sobre nós
e con nós ao mundo todo
con pé firme
que decidimos non esquecer
e figurar nesta nosa historia
que é a de todo un pobo
.
do noso libro "Sétimo andar, poesía alén"
.

PRESENTACIÓN II

Eu non rindo falsa adoración
as grandes plumas
nin me adscribo a movementos
que me impulsen

non preciso de atallos
nin que sonoras voces me pronuncien

coñezo o límite dos meus ollos
e a forza do meu verbo

sosteño os meus soños cos beizos
e as miñas mans co vento

É por isto
que non mendigo sustento
nin arrolo un triste retrinco de papel
no meu corpo de neno

son libre mensaxeiro
dos meus versos

defensor do noso
asasino do ego

forxador do meu tempo

Miguel Ángel Alonso Diz

Presentación de "Sétimo andar, poesía alén" en BUEU!

.
.

Versos de MANOLO PIPAS

a viva memoria
do pobo zapoteco
a longa historia
das comunidades mixes
as escuras raices
das tribos cuicatecas

as humidas cancions
das xentes ikoots
o duro camiño
da cultura mixteca
os bermellos huipiles
da nacion triqui
a maxia do rio
dos irmans chinantecos
a resistencia
dos pobos oaxaqueños

manolo pipas

derramouse mais sangue
estes ultimos dias
das fillas e fillos desta terra

versos do libro
viaxe ao pais das nubes
ilustracion de pedro currás
.

oaxaca galiza 2006

.

A PORTA VERDE EN TELEVIGO

Alfonso Láuzara e Miguel Ángel Alonso tiveron a ocasión de conversar "Á sombra da oliveira" sobre poesía, proxectos, o novo libro que xa está na rúa e lingua con Lourdes.

UNHA PORTA VERDE NA PANIFICADORA

O vindeiro venres, día 29 de outubro terá lugar na Cova dos ratos un acto a prol da Panificadora ao que vos convidamos a asistir.


- 21:00. Apertura. Reparto do Manifesto de Entremos

- 21:15. Poema: "As voces do pan" da "Porta Verde do Sétimo Andar"

- 21:30. Documental: "Panificadora" de Miriam do Roxo

- 21.45. Charla: "A Panificadora na Encrucillada"


- 1. O Concello de Vigo e a Panificadora.

- 2. A sociedade viguesa e a Panificadora: as revindicacións sociais da Panificadora.

- 3. O Concello de Vigo e o Patrimonio Industrial

- 4. Propostas de reutilización



- 22:30 Debate: "Xeitos de entrar na Panificadora"

- 23:00 Empanada e conclusión.

PRESENTACIÓN EN MOAÑA DO LIBRO "SÉTIMO ANDAR, POESÍA ALÉN"

MÁXICA noite a vivida en Moaña o pasado venres día 22 de outubro, nunha biblioteca "Quintela" chea, escoitaronse as voces dos autores deste fermoso libro de poesía.

Agradecer a xente de Moaña a súa presencia e atención, ademais da súa implicación coa nosa cultura. Un bico para todas esas mulleres que asemellan estar esculpidas polo mesmo mar...

Faro de Vigo. Edición do Morrazo.

Portada. Sábado, 23 de outubro de 2010.

.

de ALBA MÉNDEZ...

.
Os amores valentes son
como cando logras facer un límite
e tende a infinito.

Endexamais puideches amar tanto.
Endexamais sentiches o oco cheo
na metamorfose que sufriu teu corazón
que noutrora ficaba baleiro.

Xa non son bolboreta.

Até onde chegará
a miña singradura onda ti?
Os dous sabémo-lo que hai:
O agarimo e a paixón infindo dunhas chaves
para ser libres na terra
e saír das prisións
por ser ou estar comprometidos.

Aproxímase con designio
apaixonada a alborada,
renacendo a conxunción
da meniña
da maré salerosa do Morraço
e do paraíso do ceo
que ti representas.
.
....... do noso libro "Sétimo andar, poesía alén"
.

A PORTA VERDE COA PANIFICADORA

Diversas noticias sobre a Panificadora; parece que o futuro asemella mellor para a nosa cidade.

http://xornal.vigo.org/xnnoticia.php?lang=gal¬icia=14252

http://www.lavozdegalicia.es/vigo/2010/10/18/00031287403265265681431.htm

http://www.farodevigo.es/gran-vigo/2010/10/18/caballero-plante-conservacion-ayuntamiento-vigo-conservara-integramente-panificadora-mayoritariamente-dotacional/482422.html

Presentación de "Sétimo andar, poesía alén" en Moaña!

.
.

Filo-café "Res pública / Res privada" (Un vídeo de Elisabete Pires Monteiro)

.

Apresentação de "Sétimo andar, poesía alén" em Espinho

.

Fotos: Carlos Silva

.

Filo-café "Res pública / Res privada" do Porto

..

Fotos: Carlos Silva

.

Sétimo andar en Espinho

.
fomos a espinho a presentar
o segundo libro da porta verde
sétimo andar poesía alén
un pouco ao sul do rio douro
pertinho da beira do mar

dos anunciados falhou un
e partimos catro nun carro
e sen querer tivemos que pechar
unha segunda porta non verde
a que ti vinheras con nós

presentounos a associaçao extrapolar
e entre poemas monologos e debate
con velhos e novos companheiros
extrapolamos sobre o tempo este
e a nosa galaecia terra comun
e lonxanas rexions e tempos idos

como catro elementos fomos presentados
do espacio da chamada porta verde
e a alba á volta no carro o dia despois
definiu a materia de cada un dos elementos

alfonso aire sonhador entre nubes suaves
lume alberte entre paixon e incendiario
alba auga maré salerosa do morrasso
e pra min a terra cunhas boas palabras
.
..................... manolo pipas
posdata
tamen estivemos no filo café
do clube literario do porto
pero esa é outra desventura
.
do porto a vigo da tardinha
ao solpor a 10 de outubro
.

XOGUEMOS

Xoguemos coma nenos na noite
que esbara o seu nome
polos corpos outrora celestes
da madrugada.

Xoguemos coma principiantes
que descobren o sol
na triste lúa que se agocha
na escuridade da ialma...

xoguemos até que as campás
do derradeiro viaxe
reclamen o silenzo,
xoguemos...

porque nestes xogos atoparemos
os beixos durmidos
as caricias luídas
as olladas calmas
a min... a ti... a nosa vida
aos nosos fillos...

XOGUEMOS!!!


Elvira Millán e Miguel Ángel Alonso

Presentación en Espinho e Porto!

.

.

.

A presentación nos medios...

.
A Porta Verde no Xornal de Galicia!
"Sétimo andar, poesía alén"
clica aquí!
.
A Porta Verde nas "olívicas miradas" do Faro de Vigo,
dende a entraña da Cova!
- Presentación de "Sétimo andar, poesía alén" en Vigo -
clica aquí!
.

OUTONO de Ana P. Victorino

.

.

Presentación en Vigo!

.

"Sétimo andar, poesía alén"

9 voces na entrañábel Cova chea de amizade e poesía!

(A Cova dos Ratos - Sábado, 18 de setembro de 2010)

.

De esquerda a dereita: Ramiro Vidal, Ana Cibeira, María N. Soutelo, Alfonso Láuzara, Alba Méndez, Miguel A. Alonso, Manolo Pipas, Alberte Momán e Rosa Enríquez
.

Alfonso Láuzara cos amigos Abilio Rodríguez e Luís Viñas
.

Vista do ambiente no interior da Cova

PRESENTACIÓN en VIGO!!!

.

Sétimo andar, poesía alén

.

(novo libro de A Porta Verde do Sétimo Andar)

.

Sábado, 18 de Setembro, 21:00 h.

en A Cova dos Ratos

(Romil, 3 - Vigo)

.

... ... ...

.

- Distribúe: Consorcio Editorial Galego -

As principais librarías da Galiza teñen o libro:
Couceiro (en A Coruña e Compostela)

Pedreira e Follas Novas (en Compostela)
Andel, Librouro e Cartabón (en Vigo)

Torga (en Ourense) Trama (en Lugo)

Central Librera e Limiar (en Ferrol)... entre outras!

E ademais calquera libraría pódeo pedir!

.

de ROSA ENRÍQUEZ...

.
Toute grandeur est domination
territorio do disimulo
cobiza.

E se non amas
se nada deixas
nin dás
se nos esquivas...

É pola dignidade?

Mirar alto-estirarse
a postura forzada
-gonflés-
aprés tant d'orgueil
tant d'étrange oisiveté...
Aparentes.

A cuestión social non pode ser patria
témola na pel.
.
... do noso libro "Sétimo andar, poesía alén"
.

MANUEL MARÍA. Poeta nacional!

.
CANCIÓN PRA HORA DE MORRER
.
Despois de vivir nun tempo triste,
nun país vello,probe i atrasado,
chega o intre no que un xa non resiste
e déitase a morrer desesperado.

Chega o intre no que un non pode máis
e decide morrer rabiosamente.
Pero un teime nos outros,nos demáis,
e sinte piedade por un e pola xente.

Sinte piedade pola probeza i o atraso;
pola incomprensión,pola xenreira;
pola amargura e máis polo fracaso;
porque a vida ha ser doutra maneira.

A vida ten que ser luz e beleza;
amor e máis verdade,chama alcendida;
comprensión,irmandade e máis pureza
e non zurro fecal,chaga podrida.
.
......................... - Manuel María -
.
Somos eco da voz poética que nunca esmorece!
.

Agardabamos...

Agardaba a luz nacer
baixo aquel carballo tristeiro...

agardaba o vento mareiro
a quentura do sal na pel...

agardaban os meus ollos o tacto dos teus
nun instante asolado pola negrura dunha noite apiques de esmorecer…

eramos dúas cunchas que agardaban, húmidas,
o derradeiro amencer,
un xunto o outro
sen saber que dizer…

e a noite fíxose día
e o día chegou sen mergullo,
e a humidade trocouse en bagoas afogadas
pola dor do final…

todo isto… mentres agardabamos
ver nacer a luz
baixo aquel carballo tristeiro

todo isto… mentres agardabamos
que o vento mareiro
sentira a quentura do sal na pel

agardabamos

Elvira Millán e Miguel Ángel Alonso

PRESENTACIÓN en Vigo!!

..

de ANA CIBEIRA...

.
[...]

Este bestiario poético
de escamal doce e tráxico
fura pequenas mortes
mar de carne de plancto.

[...]

Estoupan pompas fráxiles
adoecer vivo
suxestión ardente
revestida de esporas.

[...]

do noso libro "Sétimo andar, poesía alén"
.

NOVAS DO ATENEO DE FERROL

Un poema de Fabián Barreiro

.
I

Houbo alguén, nalgueres
que se propuxo exaltar a paisaxe
del tal xeito que enmudecería o son.

Houbo alguén, nalgures
que non coñecía o medo.

II

Agardou paciente un outono de ton laranxa
marmelada de amorodo no ar
maina marea vermella alfombrada
que acariña os outeiros dos nosos reis

Luar e orballo precederon as brétemas
¿Cómo non ha ouvear o lobo
se o frío lle queima as súas febles patas
tornándose a escoitar ao lonxe?

Medrou a esperanza nas lindes,
do home que quixo facer da primavera
unha agre docura, un vieiro celestial
cara aos comezos dun sentimento.

Non lle asolegou dúbida narrativa algunha
a pesares da asertividade dos seu vagares
non tiña medo de esnaquizar a ialma
e fuxir despois alén do ceo
seguindo o ronsel da ave maxestuosa

O son lacónico de quen transmite
unha mensaxe leda e bailábel
axitando as ás tras das andoriñas

E fuxiu.

III

Vírono alá pola Lombardía
E sempre por onde pasaba
Un abraiante esplendor quedaba gravado
pagando a peaxe por existir

Quixo entón deixar de escribir
e deuse a liberdade de cadaleito
Acivro ou carballo, tanto tivo, porque
endexamais lle temeu a vivir.
.
............ - Fabián Barreiro -
.

Xa están aquiiiiiii!!!!

.

.
"Sétimo andar, poesía alén"
en Galicia Hoxe!
Maré: O ronsel da poesía social
A Porta Verde do Sétimo Andar edita o seu segundo libro

.

NOVO LIBRO DE A PORTA VERDE

‎"Sétimo andar, poesía alén"

Con portada de Roberto Alonso Diz e participación de Miguel Ángel Alonso, Ana Cibeira, Rosa Enríquez, Alfonso Láuzara, Alba Méndez, Alberte Momán, Mariola Soutelo, Manolo Pipas e Ramiro Vidal nace un novo libro colectivo de poemas, baixo o título de "Sétimo Andar, Poesía Alén".

"Tralo incendio" - de Susana Pazo Maside

.

"Tralo incendio" óleo / lenzo - Susana Pazo

.