IMAXES DA PORTA VERDE EN MADRID

Pili (Grupo Bilbao)

A Porta Verde como na casa

Marga (Grupo Bilbao) e Miguel Ángel

Ramiro Vidal e Ana Cibeira

Marga

Alfonso Láuzara e Alberte Momán

Ana Cibeira

Alberte Momán

Miguel Ángel

Alfonso realizando a presentación

CANTOS VERDES DE MAR

Camiños de algas
en néboas habitadas
de soños, vestidas
de roupa de mar.

Paso por elas
pisando firmeza
por non esvarar
no verde dos cons.
Non quero durmir
contigo, saudade.
Hoxe non.

As nubes fuxiron
en gotas de choiva.
Orballo salgado
que as faces lavou.
Limpo e vermello,
sentindo o rubor
que proe
que cura
que doe.
que empeza a curar...
o meu rostro amosa
feridas recentes.
O enfado voou
a ritmo de fado.
Estiven rota e
cantaba mellor.

Asomeime ás rocas
sen querer voar,
por tocar a espuma
revolta do mar.
E coas mans molladas
saltei para atrás.
E fuxín da febre.
E deixei de cantar.

E agora estou aquí.
Sen medo a empezar
novas feridas
que están por chegar.

Alén das néboas
comeza a canción.
Coas algas soñando.
Máis viva.
Máis forte.
Mellor.



Pili (Grupo Bilbao)

NOVA VELLA

Son nova
máis non tan inexperta
como para non ver
a escuridade ó lonxe

Son nova
máis non son inconsciente
e atopo nos ollos do vello
un aquel ben coñecido



Marga (Grupo Bilbao)

A PORTA VERDE EN MADRID

Ana Cibeira, Alfonso Láuzara, Miguel Ángel, Alberte Momán e Ramiro Vidal

A Porta Verde en Madrid... coa compañeira Ana Cibeira!

.

PRESENTACIÓN-RECITAL en Madrid

de

A Porta Verde do Sétimo Andar

.

Sábado, 9 de Abril ás 20:00 h.

na Librería La Marabunta (C/ Torrecilla del Leal, 32, Lavapiés, Madrid)

. .

Alí estaremos pois na libraría La Marabunta, no madrileño barrio de Lavapiés, da man da compañeira Ana Cibeira, para falar do noso espazo colectivo e presentar as últimas publicacións de A Porta Verde: "Sétimo andar, poesía alén" e o poemario "DE CASTRO" que abre a publicación periódica semestral dos Cadernos Q de Vián. O acto completarase cun recital colectivo. E aproveitaremos tamén, como sempre, para compartir experiencias e novas iniciativas con persoas e colectivos do lugar, para non perder o costume! Así que o convite é tamén para todas as persoas que queiran achegarse! A porta está aberta! Será un pracer!

.

Ademais, outra das novas importantes é a inminente publicación de Pintalabios, o primeiro libro de poemas de Ana Cibeira, que acollemos con grande entusiasmo! Edita Toxosoutos. Ficade pois atentos e atentas!

Ana Cibeira titula este libro Pintalabios, como unha chamada de atención sobre o que perdeu xa a categoría de excepcional revisando, a un tempo, o seu simbolismo, máis complexo do que podería parecer a primeira vista. Válese así dos tres elementos precisos para realizar o ritual: lapis, pintalabios e algodón - que son tamén as tres partes-materia en que se organiza o volume - e converte ao xesto nun deliberado reclamo sobre a boca, ese vestíbulo do corpo polo que entra o alimento e saen as palabras, o territorio macio onde interactúan en forma de beixo dous seres, o “cálido fogar/ aberto rabuño na carne/ delicada ó sul da face” - como fermosamente escribe a autora - que nos permite o sorriso, se contrae na dor e censura o pranto.

(do limiar de Teresa Seara) ..

Colectivo Sacou e A Porta Verde. Encontro poético en Noia!

.

O 1º de Abril tivo lugar en Noia un sensacional encontro poético do Colectivo Sacou e A Porta Verde do Sétimo Andar, que celebraron un acto literario conxunto de presentación de ambos proxectos con recital poético e troula posterior. Cartafol do serán foi o título da iniciativa, na que tamén se deron a coñecer as últimas propostas dos dous colectivos.

.

.

Un fermoso vídeo de Carmen Pérez-Penim...

.
.

poetas en radio piratona

o colectivo a porta verde
publica no seu espacio da rede
unha colectanea de imaxes
dun recital na radio livre piratona

poetas ao micro cos seus versos
e coas desventuras do colectivo
dos libros e das presentacions
e imaxes cotiás do encontro
para grabar esas palabras

nas paredes da radio cartaces
de eventos e contraventos
de encontros e desencontros
de asambleas ceas entroidos
e outras mascaradas

os poetas do público setimo andar
falan das suas cousas no baixo
clandestino da radio livre piratona
e un dos compañeiros olla nas paredes
os seus propios fantasmas

Manolo Pipas

A Porta Verde na Radio PIRATONA!

.

Alí estivemos o sábado 19 de marzo nunha marabillosa mañán soleada ás portas da primavera, para falar do colectivo, do suceso "Sétimo andar, poesía alén", dos cadernos Q de Vián con ese "De Castro" que xa está na rúa, das nosas actividades e recitais... e de todo un pouco!

Radio PIRATONA (106.0 FM Vigo)

AMANTE ROSALÍA

Miguel Ángel

PRESENTACIÓN "DE CASTRO" EN MOAÑA

Alberte Momán

PRESENTACIÓN "DE CASTRO" EN MOAÑA

"A Música de Orfeu"

.

Conversa com Alexandre Teixeira Mendes, tendo como tema central o poema "A Música de Orfeu" do Livro "Voz do Emerso / Voix de l'Émergé" - Edições Extrapolar

Realização, imagem e montagem: Elisabete Pires Monteiro
.

As Mãos, A Alma - Elisabete Pires Monteiro

.

elisabetepiresmonteiro.blogspot.com
Bebeth

Presentación "De Castro" no Gaioso!

.

PRESENTACIÓN DE CASTRO EN MOAÑA

Asún Estévez e Miguel Ángel recitando un dos poemas de DE CASTRO

de "DE CASTRO" - cadernos Q de Vián

.
–por que as crianzas dos nosos días
descoñecen o significado das aldeas?
–¿lo qué?
.
que pasa se nos quitan a lingua?
que pasa se nos quitan a lingua?

.
renuncia
desleigado
do seu
do ser
da fala
............ da identidade

.
dilúviome de alienación
e segue chovendo

.
demouco sentimentos patrióticos
de bágoas duras
............ non vale o pranto
.
porque había vida
onde hoxe hai asfalto

.
da Habana
............ sentindo o ar
............ da nosa terra
á arquitectura do cemento
e segue chovendo
dos Pinos á devastación
desmemoriada
.
das outas frondes
ao deserto de Castela
e máis
docemente no tempo
.
agora
............ eu
humilde poeta do XXI
tamén teño morriña
das orfas e orfos nos campos de soidade.
.
(DE CASTRO: Alba Méndez e Alberte Momán)
.

Presentación do Q de Vián "DE CASTRO" e recital rosaliano en Moaña!

.

.
Venres, 4 de Marzo ás 21:00 h.
Biblioteca pública de Quintela -MOAÑA-

Presentación do caderno Q de Vián "DE CASTRO"

de Alberte Momán e Alba Méndez.

Ademais, recital poético rosaliano no que participarán:

Asun Estévez
Lucía Novas
Daniel Costas
Alfonso Láuzara
Miguel A. Alonso
Neves Soutelo
Manolo Pipas
Anxo Ratel

Representando á Asociación de Mulleres de Moaña:
Ana Blanco
Dora
Concha Trigo
Elisa
.

NOVAS DO ATENEO FERROLAN

O 3º mellor libro de poesía galega do 2010!!!

.

Segundo Fervenzas literarias,

"Sétimo andar, poesía alén"

é o 3º mellor libro de poesía galega do ano 2010!!!

Clica aquí

Moitas grazas a tod@s! Obrigado!

.